منتظرة اعتذارك على موضوع اللغة العربية تظلم المرأة

الى الاخ تيب اول شئ بحب اقوليك انك ما اثارة حفيظتي وما حد بيقدر يثيرها ثانيا انا ما قادرة افهمك انا بقصد شنو ولكن ححاول اعتقد ان كل المشكلة مع حرف التاء المربوطة خلاص ولا يهمك ححذفه من قاموس اللغة العربية عشان تبقى كلمة حية الى حي وترتاح انا اعتقد ان الكتب الموضوع ما بقصد انت بل الكاتب الحقيقي للموضوع كان فاضي درجة خلة يكتب الموضوع ده والاحتمال الثاني الي بظنه ان كان حاقد على النسوان وما دايراك تنسى ان الي جابك على الدنيا كانت امرأة واذا كان زي ما انت بتقول فأن امك بتكون حية وانت حتكون ابن الحية شفت في كل الاحوال انت بتسئ الى امك واختك وزوجتك لو انت متزوج باثارتك لموضوع مثل ده لو اقتنعت بكلامي فأنا منتظرة اعتذارك لي والى كل النساء بفارغ الصبر وبحب اقوليك ان الاعتذار ما بنقص من قدر الرجل زي بعض العقول المتخلفة ما بتفكر بالعكس بيرفع من قيمتها على الاقل في وجهة نظري مع السلامة

انا ما قلتليك انك حتموتني قبل حتى ما اعيش البقلي من عمري وبعدين انت مثل ما افتكرت زي كل الرجال عشان كده انا رافضة فكرة الزواج وتعليق مصيري في يد رجل من امثالك الي بيظن المراة حية .نائبة وباقي الخرابيط الي انت ذكرته في خطابك الى ما بيتسمى بعدين شنو دخل كل الكلام الانت ذكرته في الموضوع اعترف انت رجل متناقض لكل ما في الكلمة من معنى على كل حال انت ليك رايك الخالي من اي عدل وانا لي راي واعترف ان انا راي هو الصحيح وانت موافق ان راي هو الصحيح بس كبريائك المغرور مثل كل الرجال هو المانعك من الاعتراف وخاليك تتجادل معاي ..........ولو انا حطفش من المنتدى المهجور ده فعرف انك انت مع اراك حتكون السبب يلا سلام ملئ بالاشفاق على كل الرجال بس اتخيل انت لو ما كان في رجال في العالم يالله ما احلاه من حلم اتمنى ان يتحقق في القريب العاجل .....................توقيع ::كااارهة الرجال...............ملاحظة حغير اسمي من مناصرة غزة الى كاارهة الرجال افرح ده بيسببك

انا اسفة اذا كنت ضايقتك .............الحقيقة الظاهره مثل عين الشمس ان انا وانت ما بنتلمه في مكان واحد ..........عشان كده انا في الوقت الراهن حنسب من المنتدى ...........لمن قلبي يصفى .........يمكن ارجع............بحب اقوليك ان انا استمتع كثييييييييييييير في المجادلة معاك ......افكاري مشتتة انا عارفة ان انا غلطة ......لكين ما تشيل علي الان انا لمن رديت عليك كنت مضايقة ............انا اسفة مرة ثانية .....لكن انا مطرة انسحب من المنتدى
.....................يلاااااااااا مع السلامة